MSME Certificate Kaise Banayein Introduction: Business Ki Asli Pehchan MSME Certificate Kaise Banayein
MSME Certificate Kaise Banayein? 2026 Ka Sabse Asaan Tarika, Doston pichle post mein humne Sarkari Subsidy aur Loans ki baat ki thi. Lekin kya aapko pata hai ki un sabka fayda lene ke liye sabse pehla aur zaroori kagaz kaunsa hai? Wo hai Udyam Registration Certificate.
Jab maine apna kaam shuru kiya tha, toh mujhe lagta tha ki certificate banwana matlab sarkari daftar ke chakkar aur rishwat. Lekin sach toh ye hai ki ye 100% Free hai aur aap ise apne phone se bhi 5-10 minute mein bana sakte hain. Aaj main aapko step-by-step batane wala hoon ki aap apne business ko sarkari darbaar mein kaise register kar sakte hain.
Yah Bhi Padhen: Flipkart Selling Ka Full Guide: Zero Se Hero Seller Kaise Bane?
MSME Certificate Ke 5 Bade Fayde (Jo Koi Nahi Batata)
- Collateral-Free Loan: Bank se bina guarantee loan lene ke liye ye certificate “Identity Card” ka kaam karta hai.
- Subsidy: PMEGP jaisi schemes mein 35% tak ka paisa tabhi maaf hoga jab aapke paas Udyam hoga.
- Bijli Bill Mein Discount: Bahut se rajyon mein MSME units ko bijli ke bill mein concession milta hai.
- Delayed Payment Protection: Agar koi company aapka paisa 45 din se zyada rokti hai, toh MSME Act ke tehat aap un par legal action le sakte hain.
- Government Tenders: Sarkari kaam (tenders) lene mein MSME ko priority milti hai.
Registration Ke Liye Kya-Kya Chahiye? (Checklist)
- Aadhaar Card: Jo aapke mobile number se link ho (OTP ke liye).
- PAN Card: Business ka ya aapka personal.
- GSTIN: (Agar aapka turnover limit se zyada hai, warna bina GST ke bhi shuruat ho sakti hai).
- Bank Details: Account number aur IFSC code.
- Business Address: Jahan se aap kaam kar rahe hain.
MSME Certificate Kaise Banayein (Ghar Baithe) Step-by-Step
Step 1: Official Website Par Jayein
Sabse pehle sirf sarkari website udyamregistration.gov.in par hi jayein. Kisi bhi “Fake” ya private site ko paise na dein.
Step 2: Aadhaar Verification
“For New Entrepreneurs” par click karein. Apna Aadhaar number aur naam daalein jo card par likha hai. Aapke registered mobile par ek OTP aayega, usey bhar dein.
Step 3: PAN Verification
Apni “Type of Organization” chunein (Proprietorship/Partnership) aur PAN number daal kar verify karein.
Step 4: Business Ki Jaankari
Yahan aapko apne business ka naam (Unit Name), address, aur kis tarah ka kaam hai (Manufacturing ya Service) wo chunna hoga.
- Pro-Tip: Agar aap Amazon/Flipkart par bechte hain, toh “Retail/Wholesale” ya “Service” category chunein.
Step 5: Investment aur Turnover
Aapne business mein kitna paisa lagaya hai (Machine/Equipment) aur saal bhar ki sales kitni hai, wo likhein. Agar shuruat hai, toh zero ya minimal amount dikhayein.
Step 6: Final Submit & Download
Ek baar sab check kar lein aur Final OTP daalein. Aapko turant ek Udyam Registration Number mil jayega. 2-3 din mein aap apna certificate wahi se download kar sakte hain.
Javed Ali Ki Pro-Advice: Savdhaan Rahein!
Doston, internet par aisi bahut si websites hain jo Udyam certificate banaye ke ₹500 se ₹2000 maangti hain. Ek baat gaanth baandh lo—MSME Registration bilkul FREE hai. Sarkar iska ek rupaya bhi nahi leti.
Agar aapko registration karte waqt kahin bhi dikkat aaye, toh niche comment karein. Main ya meri team aapko step-by-step guide karenge bina kisi charge ke.
Yah Bhi Padhen: Amazon Par Seller Kaise Bane 2026 Guide: ₹18,000 Se Business Shuru Kar Ke 1 Cr Turnover Tak Ka Safar!
